Kaba

Eksena kanina habang pauwi. Habang nagsasoundtrip ako sa aking music playlist at nakaheadset at naka full volume para wala ako marinig sa paligid na nagaabang ng masasakyan, isang babae ang kumalabit sa aking shoulder at kinakausap pala me. Ni pause ko muna ang malakas kong soundtrip at saka ko pinaulit ang sinabi nya. Akala ko ang sasabihin nya lang ay kulang ang pamasahe nya pahinging bente at kinabahan ako kasi bente lang ang pera ko sakto lang pamasahe ay mali akala ko lang pala yun. Dahil concern pala sya sa akin. Sabi nya kasi mag ingat daw ako dahil kanina pa raw ako tinitignan nung tatlong lalake tumitingin daw sa cellphone ko. Na wirdohan ako kasi hindi naman ako nagcecellphone a. Kaya sabi ko sa kanya, wala po akong cellphone. Pero pinipilit nya na yung headset ko daw tinitignan at parang gustong kunin. Umoo nalang ako nung inulit nya na magiingat ako. Tinignan ko yung mga lalakeng sinasabi nya at nakipagtitigan ako. At mukha ngang ako ang tinitignan nila. Nung lingonin ko si ateng concern citizen ay bigla syang nawala. Bigla akong kinabahan. Sobrang lakas lang naman ng tibok ng puso ko. Parang gustong lumabas sa aking dibidib. Nag isip ko. Tumingin tingin sa paligid at mejo marami pa namang taong naghihintay sa pagdating ng bus. Naisip kong bumalik sa loob ng mall pero baka lang sundan ako nung tatlo at parang naging apat pa yata sila at ma corner na ko. Wala lang ako maisip kaya hindi ako umalis sa kinatatayuan ko. Nagsoundtrip nalang ako ulit habang tinititigan yung mga lalakeng nagtitinginan. Kumalma na ang puso ko. At sumakay na ako ng bus. Di naman sumunod yung mga lalake sakin sa bus. Pero alam kong di pa rin ako safe hanggat di pa ko nakakauwi. At sa wakas nakauwi rin at ngayon ay nakukuwento ko ang eksenang ito.

Malapit na magpasko. Laganap nanaman ang mga ganitong tao. Kaya maging alerto. Alert naman ako lagi. At marunong ako magkarate ng basic lamang. Ingat tayong lahat!