last night, nagpunta kami sa grandfinals ng muziklaban. akala ko magiging ayos ang lahat. at first ansaya ko kasi maayos kami nakadating sa venue. hindi kasi namin alam pareho yung daan papunta dun, buti nalang mabilis namin naintindihan ang mga direksyon na itinuturo nung pinagtanungan namin. habang nasa pila, matagal. natapos na ko mag-group message sa mga kaibigan ko pero konti pa lang ang inuusad ng pila. naiisip ko na natatagalan lang siguro yung mga guard sa pagche - check ng mga bag. naisip ko din na sana pala hindi nalang ako nagdala ng bag. nagsisisi talaga ako. nung bag ko na yung ichi - check, kinuha nung babaeng gwardya yung kikay kit ko mula sa loob ng bag ko at binuksan. sabi nya, bawal daw yun lahat sa loob. kaya itinapon nya yun lahat sa trashbag na kulay green. tapos kinalkal nya pa ulit yung bag ko. nakita nya naman yung alcohol ko. bawal din daw yun kaya direcho din sa trashbag. pati yung toothpaste ko at payong. tsaka lang sya tumigil nung wala na talaga laman yung bag ko. huhuhu. kaya sa ngayon, wala muna ako blush on, eye shadow at lip gloss. wala na din eye liner,at eye shadow na kulay black kapag nage - emo ako. ang kikay kit ko... kaya naman mula ngayon, kapag pupunta ako sa gig, hindi na ko magdadala ng bag kahit kelan.
pero ayos lang. bibili nalang ako ulit nun. sabi nga ni ralph, makakabili pa ko nun ulit. kaya napatigil nya ko sa pag - iyak. hindi tuluyan nasira ang gabi ng tugtugan.
at ang naging RED HORSE MUZIKLABAN ROCK CHALLENGE 2007 CHAMPION ay ang bandang gayuma. tinapos namin kahit umuulan. hindi naman kami nabasa kasi napapalibutan ng mga tolda ang loob ng venue. expected siguro ng organizer na uulan. kasi last year umulan din. mula nung mangyari yung stampede sa amoranto na ikinamatay ng ilan nung last last year na muziklaban ay lagi na umuulan ng malakas. sa gabi na yon.
